O‘zbekiston
yangiliklari

Самарқандда ўқитувчининг калтаклангани ҳақида қўшимча маълумотлар эълон қилинди

Самарқандда ўқитувчининг калтаклангани ҳақида қўшимча маълумотлар эълон қилинди
YANGILIKLAR
17:05, 05 апрель 2020
115
0

Ички ишлар вазирлиги ҳузуридаги Тергов департаменти Самарқандда эркак кишининг калтакланганидан сўнг олган тан жароҳатлари натижасида вафот этгани тўғрисидаги иш тафсилотларини маълум қилди . Тергов талқинига кўра, 20 ноябрь куни тахминан соат 02:00 ларда 28 ёшли фуқаро «Изатулло» ўзининг 30-ёшли таниши «Мақсуд» билан биргаликда Самарқанд шаҳар Буюк ипак йўли кўчасида жойлашган автобус бекати олдидан ўтиб кетаётган «Асал» исмли аёлга гап отишган. Бу вақтда Асалнинг ёнида бўлган 2-нафар эркак танишлари ушбу ҳолатга аралашиб, улардан бири Изатуллонинг юзига бир маротаба урган. Шунда Асал ўзининг танишига қўнғироқ қилиб уларни чақирган. Асалнинг чақирувига биноан жами 6 нафар шахслар келишган. Уларнинг ичида 2 нафари аёллар бўлган. Шундан сўнг улар бир гуруҳ бўлишиб, шу куни соат 03:40 ларда жамоат жойи ҳисобланган Самарқанд шаҳар Беруний кўчаси 82-уй олдида жамиятда юриш-туриш қоидасини қасддан менсимасдан фуқаро Изатуллонинг шериги Мақсудни сўкиниб ҳақоратлаб, танасини турли жойларига қўл-оёқлари билан уриб-дўппослаб тан жароҳатлари етказишган. Шундан сўнг 3 нафар аёл ва 3 нафар эркак шахслар қўл-оёқлари билан Изатуллонинг бош қисми ва танасининг турли соҳаларига бир неча маротаба уриб дўппослаб, оғир тан жароҳати етказишган. "Газета.uz"да реклама Кўрилган тезкор чора тадбирлар натижасида Изатуллога нисбатан жиноятни содир этган шахслардан 3 нафари ички ишлар ходимлари томонидан ушланган. Тез тиббий ёрдам шифохонасининг бирламчи маълумотномасига кўра, Изатуллога «бош мия суякларини оғир синиши» ташхиси қўйилган. Мазкур ҳолат юзасидан 20 ноябрь куни Самарқанд шаҳар ИИО ФМБ ҳузуридаги тергов бўлими томонидан Ўзбекистон Республикаси Жиноят кодексининг 104-моддаси 1-қисми (қасддан баданга оғир шикаст етказиш) билан жиноят иши қўзғатилган. 23 ноябрь куни Изатулло кўрсатилган тиббий муолажаларга қарамасдан шифохонада вафот этган ва шу куни унинг ўлим сабабини аниқлаш мақсадида судга оид тиббий экспертиза тайинланган ҳамда жиноят иши ЖКнинг 104-моддаси 3-қисми «д» бандига қайта малакаланган. Дастлабки тергов жараёнида 3 нафар шахсга нисбатан Ўзбекистон Жиноят кодексининг 104-моддаси 3-қисми «д» банди ва 277-моддаси 2-қисми «б» банди билан айб эълон қилиниб, уларга нисбатан «қамоққа олиш» тарзидаги эҳтиёт чораси қўлланилган ва қолган 6 нафар гумон қилинувчиларга нисбатан тегишли эҳтиёт чораларини қўллаш масаласи кўрилмоқда. Ҳозирда жиноят иши бўйича дастлабки тергов ҳаракатлари олиб борилмоқда ва натижасига кўра қонуний қарор қабул қилиниши таъминланади. Аниқланишича марҳум И.М. 2016 йил 6 июнь куни Мирзо Улуғбек номидаги Ўзбекистон Миллий университетини тамомлаб, 2016 йил 2 сентябрь куни Самарқанд шаҳридаги 42-сонли умумтаълим мактабига ўқитувчи бўлиб ишга кириб, 2017 йил 25 сентябрь куни ишдан бўшаган ва Россияга ишлаш учун кетиб, 2018 йил август ойида қайтиб келган. 2018 йил 3 сентябрь куни яна шу мактабга ўқитувчи лавозимига ишга қабул қилинган, ҳамда ўқувчиларга рус тилида «тарих» фанидан дарс бериб келган. Жорий йилнинг 17 октябрь кунидан буён ишдан бўшашлиги ҳақида мактаб директорини оғзаки огоҳлантирган ва мактабга ишга бормай, шу вақт мобайнида Самарқанд шаҳри Мирзо Улуғбек ва Шохрух кўчалари кесишувчи чорраҳасида «сомса» сотиш билан шуғулланган. Тергов департаменти ижтимоий тармоқ фойдаланувчиларидан мазкур ҳолатнинг барча тафсилотлари аниқланиб, тергов ҳаракатлари якунига етгунига қадар ижтимоий тармоқларда номақбул изоҳлар беришдан сақланишларини сўради. Аввалроқ Самарқанддаги жиноят тўғрисида Самарқанд вилоят прокуратураси баёнот билан чиққан эди. Назорат органи маълумотларига кўра, Беруний кўчасида уч киши Иззатулло билан жанжаллашган эди.

Fikrlar (0)
Fikr bildirish
Кликните на изображение чтобы обновить код, если он неразборчив