O‘zbekiston
yangiliklari

«Прокуратура тўғрисида"ги қонунга ўзгартиришлар киритилди

«Прокуратура тўғрисида"ги қонунга ўзгартиришлар киритилди
YANGILIKLAR
17:04, 05 апрель 2020
109
0

«Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги қонун президент томонидан имзоланди. Бу ҳақда «Ҳуқуқий ахборот» канали орқали хабар берилди. Қонунга мувофиқ, баъзи давлат органларининг фаолияти такомиллаштирилиши муносабати билан 20 га яқин қонун ҳужжатларига ўзгартиш ва қўшимчалар киритилди. Жумладан, «Прокуратура тўғрисида"ги қонунга киритилган ўзгартиришга кўра прокуратура органлари ходимлари ишининг ўзига хос томонларидан келиб чиққан ҳолда, 20 йилдан ортиқ иш стажига эга бўлган ходимларга 15 календарь кун қўшимча таътил берилади. "Газета.uz"да реклама Шу билан бирга, эндиликда прокуратура органлари ходимларига илмий, педагогик ва ижодий фаолият билан шуғулланишга рухсат этилади (илгари улар илмий, ўқитувчилик ва ижодий фаолият билан фақат асосий ишдан бўш вақтда шуғулланиши мумкин бўлган). Бундан ташқари, Солиқ кодексига тадбиркорлик субъектларининг ҳуқуқларини ҳимоя қилиш бўйича вакил тадбиркорлар манфаатларини кўзлаб маъмурий судга берилган ариза (шикоят) юзасидан давлат божини тўлашдан озод қилинишига оид норма киритилди. Ушбу қонун расмий эълон қилинган кундан эътиборан кучга киради.

Fikrlar (0)
Fikr bildirish
Кликните на изображение чтобы обновить код, если он неразборчив