Янгийўлда ўқувчи қиз ўзини осиб қўйди

10 март куни Тошкент вилоятининг Янгийўл туманида 17 ёшли ўқувчи қиз ўз уйидаги иссиқхонада осилган ҳолатда топилди, дея хабар қилди Ўзбекистон Бош прокуратураси матбуот хизмати «Газета.uz»га. «Газета.uz»нинг ҳуқуқни муҳофаза қилиш органларидаги ахборот манбаси маълумотларига кўра, фожиали ҳолатдан бир оз аввал унинг иштирокидаги уятли видеонинг тарқалгани ҳодисага сабаб бўлган бўлиши мумкин. Туман прокуратураси терговга қадар текширув ўтказмоқда. Ҳодиса юзасидан Янгийўл туман халқ таълими бўлими, вояга етмаганлар ишлари бўйича комиссия ҳамда маҳалла ва оила масалалари бўлимида хизмат текшируви тайинланди.

Место для вашей рекламы