Совуқ об-ҳаво ҳафта охиригача сақланиб қолади

Якшанбадан душанбага ўтар кечаси Ўзбекистонга ҳақиқий қиш кирди, дея ёзмоқда Ўзгидромет. Мамлакат ҳудудига Кавказ районларидан кирган совуқ антициклон бутун республикага, шимолий вилоятлар ва чўл зонасидан ташқари, ёғингарчилик олиб келди. Ёмғир кўринишида бошланган ёғинлар қорга айланди. Якшанба куни кечқурун ва ўтган тунда айниқса кучли ёғингарчилик бўлди. Душанба куни тонга келиб текислик ҳудудларида мавсумдаги биринчи қор қоплами ҳосил бўлди. Қорнинг баландлиги айрим жойларда 10−13 см ни ташкил қилди. Бугун куннинг биринчи ярмида республиканинг катта қисмида кучсиз қор ёғиши давом этди. Куннинг иккинчи ярмида ёғингарчиликнинг тўхташи кутилмоқда фақат Фарғона водийси вилоятларида ва тоғли ҳудудларда қор кун давомида ёғади.

Место для вашей рекламы