Сардор Умурзоқов номзоди бош вазир ўринбосари лавозимига маъқулланди

Сардор Умурзоқов номзоди парламент томонидан бош вазирнинг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири лавозимига маъқулланди, дея хабар қилди «Газета.uz» мухбири палата йиғилишидан. Сардор Умурзоқов (1977 й. т) — Тошкент давлат иқтисодиёт университети ва Рединг университетини (Буюк Британия) тамомлаган. 2019 йил январидан инвестициялар ва ташқи савдо вазири лавозимида фаолият кўрсатиб келмоқда. Парламент қуйи палатаси унинг номзодини маъқуллаганидан кейин бош вазир ўринбосари лавозимига тайинлаш тўғрисидаги фармон президент томонидан имзоланиши лозим.

Место для вашей рекламы