Дзюдочилар Францияда ўтказилган «Катта дубулға» турнирида иккита медални қўлга киритди

8−9 февраль кунлари Парижда «Катта дубулға» турнири бўлиб ўтди. Мусобақада дунёнинг 115 мамлакатидан 740 га яқин спортчи, шу жумладан, Ўзбекистон дзюдочилари иштирок этди . Жанг етти вазн тоифасида бўлиб ўтди: -60, -66, -73, -81, -90, -100, +100 кг — эркаклар, -48, -52, -57, -63, -70, -78, + 78 кг аёллар. Мусобақада Ўзбекистондан 14 нафар спортчи: Кемран Нуриллаев, Сардор Нуриллаев, Диёрбек Ўрозбоев, Ҳикматуллоҳ Тўраев, Ғиёзхон Бобоев, Камолиддин Расулов, Шарофиддин Болтабоев, Давлат Бобонов, Муҳаммадкарим Хуррамов, Алишер Юсупов, Бекмурод Олтибоев, Диёра Келдиёрова, Гулноза Матниязова ва Нодира Юлдашева иштирок этди. Ўзбекистон Миллий олимпия қўмитаси матбуот хизматининг хабар беришича, Ҳикматиллоҳ Тўраев (-73 кг) турк дзюдочиси Билол Чилўғлини 10 сония ичида мағлубиятга учратиб, бронза медали ва 2020 йилги Олимпиада ўйинларининг 500 рейтинг очкоси соҳибига айланди. Шарофиддин Болтабоев (-81 кг) эса мусобақанинг кумуш медалига сазовор бўлди. Финалда у бельгиялик дзюдочи Матиас Кассет билан жанг қилди, жанг «Олтин нуқта»га қадар давом этди. Спортчи биринчи марта ушбу турнирнинг медалини қўлга киритди, шунингдек, 2020 йилги Олимпиада ўйинларининг 700 рейтинг очкосини олди. "Газета.uz"да реклама

Место для вашей рекламы